На граничниот премин Богородица се одржа јавен промотивен настан „Road Show Event”, во рамките на ИПА Проектот за развој на гранична инфраструктура помеѓу Република Македонија и Република Грција – BORDER IN.
Овој Проект беше реализиран во рамките на Програмата за прекугранична соработка помеѓу Република Македонија и Република Грција 2007-2013 од Инструментот за предпристапна помош (ИПА), и истиот беше финансиран од страна на Европската унија, со финансиско учество на Владата на Република Македонија.
Активностите кои беа опфатени во рамките на овој Проект и се состоеја во реконструкција на административната зграда и придружните објекти на преминот како и поставување на нова опрема за регулирање на сообраќајот, започнаа во февруари и беа целосно реализирани во месец јуни оваа година, пред почетокот на туристичката сезона.
Поаѓајќи од значењето на граничниот премин Богородица и фреквентноста на движењето на патници и превозни средства преку истиот, денешниот настан имаше за цел на пошироката јавност да и се презентираат придобивките од овој Проект насочени кон поголема функционалност на преминот, зголемен квалитет на услугите и контролите на возилата и патниците, поголема безбедност и олеснување на минувањето на државната граница.
По тој повод, во знак на успешно реализираната прекугранична соработка на двете земји, на сите патници кои во моментот на одбележувањето и на овој настан ја минаа границата, им беа поделени симболични промотивни матерјали.